روتاج مشرفة مقي العشاق
المساهمات : 638 تاريخ التسجيل : 20/07/2010 العمر : 35
| موضوع: ازاى تعرف انك فى فرح مصرى؟ الإثنين أغسطس 23, 2010 5:59 am | |
|
| من البدايه كدا هتلاقى الدعوه بتاعت الفرح جايالك وعليها عباره .. [جنه الاطفال منازلهم] يعنى من الاخر ابنك دا يقعد فى البيت ومايورناش وشه احنا مش عارفين نأكل المعازيم لما هانأكل سعادته
لما تلاقى الزفه الدمياطى الازليه اياها وبسم الله الرحمن الرحيم وهانبتدي الليله اااااه اااه :
وتلاقى البنات بيجروا ورا العروسه عشان ينولوا شرف صحبتها كدا وهى داخله القاعه ويتقاسموا شرف انهم يشيلوا ديلها اقصد ديل الفستان :
لما تلاقى بقا الستات بتمارس احسن هوايه ليها على مر التاريخ وهى النميمه ويقعدوا بقا يقولوا: انا عارفه يا ختى اخدها على ايه دا لا مال ولا جمال والتانيه تقولها : والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره ) بتدخلوا شىء وشويات
وتلاقى البنات بقا واقفه اللى تقول: ايه دا فستانها بيئه اوى ايا والتانيه تقولها: اكيد مأجراه من عند الكوافير اللى عملها التسريح اللى شبه تسريحه المجانين دى :
لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز
لما اول حجه تسمعها اول ما تدخل القاعه وقبل ما تشوف العروسه والعريس اغنيه هشام عباس (اسماء الله الحسنى) :
لما تلاقى بتاع الكاميرا بيزوووم على الشبكه كانها مثلا قلاده الملكه اليزابيث الخامسه والعشرين وتلاقى كل المعازيم هايماوتوا بعض وينطوا فوق بعض عشان يتفرجوا عليها
لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى (ومايحرمنيش منك) وكل البشر بيصوروهم بكاميرا الموبايل
لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره (هاتجوز) لـ سعد الصغير وبعدها العنب (بعرورر)
لما تسمع السؤال الابدي (هو البوفيه هايفتح امتى...الواحد جاع)
لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك
لما تسمع الناس وهيه بتقول لالالا بس الاكل مكانش قد كده بعد تناول الطعام مباشره
لما تلاقى ام العروسه بتقول للعريس خد بالك منها يا حبيبي والعريس يقولها دى فى عينى يا طنط
لما تلاقى الزفه انطلقت فى الشوارع مسببه الازعاج لخلق الله
|
| |
|
روتاج مشرفة مقي العشاق
المساهمات : 638 تاريخ التسجيل : 20/07/2010 العمر : 35
| موضوع: رد: ازاى تعرف انك فى فرح مصرى؟ الإثنين أغسطس 23, 2010 6:00 am | |
| | |
|
SNiPeR عضو نشيط
المساهمات : 74 تاريخ التسجيل : 04/09/2010
| موضوع: رد: ازاى تعرف انك فى فرح مصرى؟ الإثنين سبتمبر 06, 2010 2:22 am | |
| ههههههههههههههههههههههه انا مكملتش الموضوع لانى اول ما قريت اول فطست على نفسى من الضحك انا بيتهيالى لو كملتى هيجيلى سكتة البية هههههه وشكرا على موضوعك وتقبلى مرورى
| |
|
professor عضو ذهبى
المساهمات : 435 تاريخ التسجيل : 03/09/2010 العمر : 29
| موضوع: رد: ازاى تعرف انك فى فرح مصرى؟ الأربعاء يونيو 01, 2011 8:49 am | |
| | |
|
ندى مشرف عام
المساهمات : 786 تاريخ التسجيل : 08/08/2010 العمر : 36 المزاج : حلو اوى طول ما الاهلى بيكسب
| موضوع: رد: ازاى تعرف انك فى فرح مصرى؟ الإثنين يونيو 20, 2011 9:21 pm | |
| | |
|