شفيق يا راجل

قالوا يا مبارك الحق **** الشعب بدء يفيق

قالهم يا نهار اسود **** الحقوني بأحمد شفيق

دا راجلنا وملمعينه **** وشايلينه لوقت الضيق

وبردك يبئا نسيبنا **** وزيتنا في الدقيق

وجاله بسرعة شفيق **** ببلوفره الخنيق

قاله متخافش يا ريس **** علي نفسك في التحقيق

هنخرجك وفلولك **** وبقية الفريق

وهنبوظ في القضية **** وهنلفق تلفيق

وهضحك علي الغلابة **** وباقي المخاليق

هقولهم انتخبوني **** دا انا راجل أنيق

هرجع الأمن في ثانية **** وعلشان أكون دقيق

هرجع أمن الدولة **** ومنفاخه العريق

وعندي لكل مواطن **** خازوق من الخوازيق

فياللا ننتخب شفيق **** ونولع في مصر حريق

دا عامل نفسه باتمان **** وهو الرجل البطريق !